(प्रतिनिधी – प्रियंका बनसोडे) – डपसर अत्यंत भयानक जिवघेणा रिव्हर्स थरार हा धडकी भरविणार्‍या व्हिडिओमागील कारण समोर आले आहे. या पिकअप वाहन चालकावर हडपसर पोलिसांनी गुन्हा दाखल केला आहे.
श्रावण वाघमारे असे गुन्हा दाखल झालेल्या वाहनचालकाचे नाव आहे. हा प्रकार रामटेकडी उड्डाणपुलावर ३ ऑगस्ट रोजी रात्री ११ वाजून ३५ मिनिटांनी घडला होता.याबाबत पोलीस शिपाई उमेश मच्छिंद्र शेलार यांनी हडपसर पोलीस ठाण्यात फिर्याद दिली आहे.
याबाबत पोलिसांनी दिलेल्या माहितीनुसार, पुणे महापालिकेच्या अंतर्गत रामटेकडी उड्डाणपुलावर डिव्हायरचे काम चालू होते. या कामाच्या ठिकाणी वापरात येणारा पिकअपचा चालक श्रावण वाघमारे याने रामटेकडी उड्डाणपुलावर वाहन पार्क करताना हॅन्डब्रेक न लावता उतारावर तसाच उभा केला व तो पिकअपमधून उतरला. त्यामुळे पिकअप व्हॅन उतारावर वेगाने रिव्हर्स जाऊ लागली. सुदैवाने रात्रीची वेळ असल्याने पुलावर वाहतूक नसल्याने रोडवर वाहनांची गर्दी नव्हती.
पिकअप तब्बल ५०० मीटर उलट्या दिशेने गेल्यानंतर डिव्हायडरला धडकून थांबला. त्यामुळे मोठी हानी टळली
