बोपदेव घाटात तरुणीवर गँगरेप ! पोलिसांनी सांगितली संपूर्ण घटना, घटनेबाबत खासदार सुप्रिया सुळे यांची संतापजनक प्रतिक्रिया

पुण्याचे सह पोलीस आयुक्त रंजन कुमार शर्मा यांनी या घटनेबाबत माहिती देताना सांगितलं की, गुरूवारी रात्री २१ वर्षीय मुलगी आपल्या मित्रासोबत पुण्याजवळील बोपदेव घाटात फिरण्यासाठी गेली होती. रात्री ११ च्या सुमारास ते तिथे गेले होते. ३ लोकांनी मुलांना मारहाण करत अतिप्रसंग केला आहे. या घटनेची माहिती आज पहाटे५ वाजण्याच्या सुमारास मिळाली. या प्रकरणात एकुण १० पथकं कामाला लावली आहेत. अनेक लोकांची चौकशी सुरु आहे. एकुण ३ मुलं आहेत त्यांचा शोध सुरु आहे. मुलगी बाहेर राज्यातील आहे. बोपदेव घाटात नेहमी लोक वॉकिंगला जात असतात. यावेळी ही घटना समोर आली आहे. मित्राला त्याठिकाणी बांधून ठेवत मारहाण केली होती. मुलगी गंभीर जखमी आहे, तिच्यावरती देखील उपचार सुरु आहेत. आरोपी पुर्णपणे निष्पन्न झालेले नाहीत. पिडीत मुलगी २१ वर्षाची आहे. दोघेही कॉलेजमध्ये शिक्षण घेतं आहेत, अशी माहिती समोर आली आहे.