(प्रतिनिधी – प्रियंका बनसोडे) – एका भावाने आपल्या अल्पवयीन बहिणीला आपल्या पसंतीच्या मुलाशी लग्न करायचे असल्याने तिचा गळा दाबून खून केला. आरोपीने हा गुन्हा घरीच केला असे नाही. त्याने आधी त्याच्या १६ वर्षांच्या बहिणीला रस्त्याच्या मधोमध पकडले आणि नंतर तिचा गळा दाबून खून केला. पोलिसांनी आरोपीला अटक करून त्याची कारागृहात रवानगी केली आहे.
ही घटना उत्तर प्रदेशातील मेरठमध्ये इंचोली पोलीस ठाण्याच्या हद्दीतील नांगला शेखू गावात घडली. अमरिशाने स्वतःला वाचवण्याचा प्रयत्न केला, पण ती तिच्या भावाच्या मजबूत पकडीतून सुटू शकली नाही. यावेळी ती मुलगी मदतीची याचना करत होती, मात्र कोणीही त्या मुलीचा जीव वाचवला नाही.माहितीनुसार, नांगला शेखू गावातील रहिवासी जुम्मन उर्फ शहजाद यांची १६ वर्षीय मुलगी अमरिशाचे दुसऱ्या समुदायातील तरुणासोबत प्रेमसंबंध होते. काही दिवसांपूर्वी ती तरुणासोबत पळूनही गेली होती, त्यानंतर अमरिशाच्या कुटुंबीयांनी त्या तरुणाविरुद्ध अपहरणाचा गुन्हा दाखल करून त्याची तुरुंगात रवानगी केली होती, मात्र अलीकडेच त्याची जामिनावर सुटका झाली होती. तेव्हापासून अमृषा तिच्या प्रियकरासोबत राहण्यावर ठाम होती. या प्रकरणावरून गेल्या काही दिवसांपासून घरात वाद सुरू होता.
बुधवारी सकाळी आई वडिलांसह संपूर्ण कुटुंब कामावर गेले असताना मुलीच्या मागणीमुळे मोठा भाऊ हसीनचा राग वाढला. यानंतर दोघांमध्ये हाणामारी झाली. रागावलेल्या अमृषा घरातून बाहेर पडू लागल्यावर हसीनने तिला मध्येच पकडले. आणि गळा दाबून खून केला. घटनास्थळी डझनभर लोकांचा जमाव उपस्थित होता, मात्र अमरिशाला कोणीही वाचवले नाही. हत्येनंतर आरोपी भाऊ हसीन मृतदेहाजवळ बसून रडत राहिला.मृत तरुणाच्या आईच्या तक्रारीवरून इंचोली पोलिसांनी तिचा मुलगा हसीन याच्याविरुद्ध खुनाचा गुन्हा दाखल केला आहे.
